رواية:- خلف بوابات العالم الثالث - للكاتب:- محمد فرح

 

تجربتي مع الحب الجزء الثاني

الفصل الثاني:

 

وكانت بداية جوازنا احلي بداية كنت مش قادر اصدق نفسي أنه فعلا حصل واتجوزت احلي واكتر انسانة انا كنت عايز اتجوزها كنت بحس انها كل حاجه ليا وفي الفرح كان في بوفيه كبير جدا وناس كتير انا مركزتش معاهم كنت مركز علي الفرحة اللي انا فيها وأن انا مش مصدق نفسي لسة واول ما صحيت تاني يوم لقيتها نايمة في حضني وفضلت مستني لحد ما صحيت وقولتلها صباح الخير يا حبيبتي وضمتها ليا وبعد كده بدأت حياتنا الزوجية أو كما يجب أن يذكر بدأت مرحلة اختبار حبنا وإذا كنا بنحب بعض بجد ولا ده مجرد احساس كان يوم شغل صعب وكنت راجع تعبان جدا وبتكلم بصعوبة ومش فاكر كنت بقول ايه لقيت شيراز واقفه قدامي وبتقولي مالك يا حبيبي انت لازم تحكي احنا اتفقنا نتشارك كل حاجه وحضنتني مرة واحدة وحكيت ليها وحسيت براحة كبيرة بس في اكتشفت أن شيراز اتغيرت خالص تجاهي مش دي شيراز اللي حبيتها لقيت أنها بتتحمل حاجه صعبة في حاجة هي مخبياها عني بس ايه هي قولت لازم اعرف وسألتها هي مردتش وقالت مفيش حاجه انت بيتهيألك يا محمود اول مرة تقولي يا محمود دلوقتي اتأكدت أنه في حاجة وبعد كده اكتشفت انها مش عايزة تتكلم معايا بس انا واثق اني معملتش حاجه ومعاملتي ليها زي الاول تمام وممكن احسن لقيتها في مرة قالت عايزة اسألك سؤال قولتلها قولي قالتلي هو انت ممكن تخوني؟ قولتلها بدون تردد مستحيل قالتلي طيب هو انت ممكن تبعد عني لاني مش بعرف اتعامل زي باقي البنات ؟ قولتلها انا مش عايز اي بنت تانية انتي وبس يا روحي لقيتها بتبكي مرة واحدة وانا مقدرتش اعمل اي حاجه غير اني حضنتها وطبطبت علي ضهرها وهي في حضني وقالت في رسالة جاتلي انك عايز تسيبني وانا مش هقدر اعيش من غيرك والسبب اني مش بعرف اتعامل زي باقي البنات والله مش بإيدي اعمل ايه قولتلها هو ده السبب اللي كان مخليكي متغيرة تجاهي يعني اطمني يا حبيبتي اللي بعت الرسالة دي اكيد عايز يخلينا ننفصل عن بعض انا مستحيل ابعد عنك انا اخيرا بقيت معاكي ده انتي روحي وخليتها تنام وهي حاطة رأسها علي قلبي لأنها بتكون مرتاح كده وبعدين حاولت اعرف مين اللي بعت الرسالة انا عايز اعرف ايه وفين الفائدة من أنه يبعدنا عن بعض وحاولت اجدد حبي ليها جواها تاني وعملت كل حاجه هي بتحبها ولما رجعنا تاني نحب بعض زي الاول وتقريبا اكتر بكتير المهم احنا متجوزين من خمس سنين دلوقتي بس ليه مخلفناش ولد او بنت فين المشكلة قررنا أننا نروح لدكتور علشان نسأل عن السبب والمفاجأة أننا مينفعش نخلف انا وهي في مشكلة بس جواز أي واحد مننا لشخص تاني اكيد هيخلف وده كان اصعب اختبار لحبنا سألنا نفسنا ايه اللي عايزينه اكتر هل أننا نستمر ولا أننا نبعد وكل واحد يخلف الطفل اللي هو عايزه كانت سنة مظلمة في حياتنا الزوجية بس محدش فينا فكر يبعد عن التاني ولو ثانية لقيتها قالتلي في يوم حبيبي لو انت نفسك في ولد او بنت تقدر تتجوز وتخلف اللي نفسك فيه قولتلها انتي بتقولي ايه قالتلي انا مش عايزة اكون سبب في اني احرمك من انك تكون اب عايزة تكون بخير وفرحان دايما قولتلها طول ما انا جنبك هكون فرحان ومفيش حاجه تقدر تزعلني وبعدين ده قدر ربنا وخلينا نصبر لعله خير وجربنا نطلب من ربنا أنه يرزقنا ولد او بنت وبعد سنة وأنا في الشغل لقيت شيراز بترن عليا وتقولي يا محمود عايز اقولك على حاجه حلوه جدا قولتلها ايه قالتلي انا حامل قولتلها قولي تاني مسمعتش قالتلي انا حامل قولتلها طيب انا هاجي البيت في لحظة وبعد ما وصلت البيت لقيتها فرحانة اوي وانا كنت بطير من الفرحة وشكرنا ربنا كتير جدا وكان أول توأم لينا كان ولد وبنت كان عوض ربنا كتير اوي وكنا فرحانين واتمسكنا ببعض اكتر ومفيش اي اختبار قد يقلل من حبنا لبعض وكانت دي احلي فترة بعد معاناة طويلة مع اختبارات الحياة ونجحنا أننا نحافظ علي بعض وكانت حياة جميلة جدا وقدرنا ننتصر علي كل حاجة مع بعض انا وشيراز ودي كانت نهاية القصة يا أولادي قصة حبي انا وامكم شيراز

الفصل الاول:

اضغط هنا

المؤلف محمد فرح

تصميم الغلاف غزلان اليتربي