أنا بانهار
أنا موجوع
وقلبي كمان فيه لسه دموع.
جديد القرب يهدى البال .
وحُبك كان كلام متقال .
مش كل حب حياة.
ولا كل حبل نجاه.
بعض الحبال للشنق.
والبعضهم للشد.
بتقولوا ليه كدا.
- احنا لبعض ومش هاسيبك.
اوقات كتير كبش الفدى.
شخص حبك . مش نصيبك.
من نصيبك يبقى راجل عنده ثروة.
رد قلبي بفعل ثورة.
ضد روحي تقوم وتمشي.
وفجاءة تيجي دموع ف قلبي.
و الفعل لو موجب.
ف الرد ده سلبي. (فعل الثورة موجب) (تأثيره سلبي)
انا كل شيئ عايش.
بس انتي كات روحه.
مشيت بعيد عنه.
ف الجسم اصبح ..... بايش.
يوووه.
القصة دي متعادة ..... متقاله ف الاشعار.
بس انتي شكلك جنه.
ف العمق كل النار.
قلتيلي باعشق ليلك.
وطفيتي فيا نهار.
انا بأنهار .
انا بأنهار ك دار مبني بدون اسباب.
ك دير موجود بدون رُهاب.
ك سير ف شارع ضلمة بعد نص الليل.
سردتي القصة ف سياق درامي.
وطلعت واخد دور بطولة شر.
وطلعتي بنت لسيمبا وانا كنت ابن اسكار .
انا بأنهار.
يطول الليل وحبك ف الوريد دافي.
انا كنت قلت زمان بعض الفراق شافي.
فراقك ده سجن وحمل ف اكتافي.
مين فيكوا مدأقش الوجع.
ردوا عليا بجد.
كلامي مش مرتجع.
و اكيد مفيش ولا حد .
ياجماعة انا مظلوم.
من حبي انا محروم.
مكرهتش المسافات.
ابوس ايديكوا
رجوع اللي فات.
بحبها والله.
بس الزمن ده كتاب.
عنوانة جازب قلب.
واللُب كاسر روح.
كتاب كداب.
امسكوني انا بأتساب.
مافيش حاجز.
ف وجود حجاب.
زارني الاكتئاب .
كفاية الروح تعيش جنبك.
صديقتك حتي او جارك.
ارجوك كفاية اعذارك.
وبرضة بتيجي وتمثل لأنك سِبت.
ياسيدي عرفت اني إتباعت.
انا والله وانا بكتبلك انا دمعت.
ف نص جروح بتنزف حب.
وقع ع الارض وملاني بلون الدم.
سواد الون ده مش احمر.
في دم يبقي نزيف.
م القلب لونه كثيف.
لو مهما عكرتوني.
هافضل بحبي نضيف.
لو كنتي بحر ومالح.
ف انا مية عزبه ك مية الانهار.
قلبتي الليل بالنهار.
ينام ويصحي من الوجع وينام.
ويصحي بصرخة عالية يقول.
انا بأنهااااار
أحمد الشاعر
تعليقات
إرسال تعليق
شكراً لك