رواية:- خلف بوابات العالم الثالث - للكاتب:- محمد فرح

رواية تجربتي مع الحب الجزء الاول

الفصل الاول:

بدأتي حكايتي وتجربتي مع الحب لما كان في ولد بيعاكس بنت قدامي في الشارع وانا موقف زي ده المفروض لازم يكون له عقاب وانا اتعصبت وروحت ضربته جامد ودافعت عن البنت وبسبب الحالة اللي هي كانت فيها قولتلها تعالي اوصلك للبيت بتاعك وكمان علشان محدش يتعرض ليكي تاني واحنا ماشيين مركزتش علي تفاصيلها يعني بصيت علي وجهها نظرة سريعة حسيت ان نبضي بقي سريع وحسيت اني عايز نتقابل تاني واصريت اني اوصلها للبيت بس اتكلمنا شوية وسألتها عن اسمها وقالت اسمي اشمعنا قولتلها انا اسف سرحت وكان المفروض اسأل عن اسم شخص وقولتها بصوت عالي وضحكت ضحكة خفيفة كده علشان احتوي الموقف ولقيتها قالت اسمها انا اسمي شيراز حسيت بخجل شديد وقولتلها اسمك حلو كان وانا اسمي محمود وقولتلها هو انتي ليه الشاب ده عاكسك وقالت السبب وقولتلها هو مش محترم طبعا بس لازم تخلي بالك من نفسك بعد كده واتكلمنا شوية ولقيتها قالت أنا وصلت البيت قولتلها بالسرعة دي طيب بعد كده خلي بالك من نفسك وهو اخد جزائه ودي مكنتش المرة الوحيدة اللي اتقابلنا انا كنت بستني عن بيتها كتير اوي لاني مش قادر انسي ملامح وجهها وكمان حسيت انها لطيفة بس قولت ايه ده هو انا حبيتها ولا ايه وبعدين قولت انسي الموضوع يعني وبعدين ممكن تكون مش بتتبادل معايا نفس الاحساس وانا مش عايز أحرج نفسي هو كان مجرد موقف رجولي وانتهي خلاص كانت الصدفة الغير متوقعة اني قابلتها في الجامعة بس المرة دي قولت لازم اتكلم يعني مش هفضل ساكت كتير وقولتلها ازيك يا شيراز عاملة ايه قالتلي كويسة وانت عامل ايه قولتلها بخير قولتلها هو انتي في كلية ايه قالت أنا في كلية الطب وانت قولت انا قالتلي ايوه هو انا بكلم غيرك وضحكت انا حسيت ان دي كانت احلي ضحكة سمعتها قبل كده قولتلها انا في كلية الهندسة خوفت اقولها في كلية الحقوق تتريق عليا قولت انا خلصت محاضراتي وانتي عندك محاضرات قالتلي لا انا خلصت أنا كمان وكنت هروح البيت قولتلها طيب تعالي طريقنا واحد وفضلنا نتكلم طول الطريق وحسيت حاجة جميلة اوي وانا بتكلم معاها حسيت اني عايز اقولها انا في كلية الحقوق بس قولت هتخاف مني وهتقول اني كداب وانا مش عايز اخسرها حاسس ان دي الإنسانة اللي انا بنتمي ليها وقولت مبدأيا خلينا في الكدبة دي ولما يجي وقتها اعترف واقول اي حاجه قالتلي انت عندك فيسبوك قولتلها ايوه وراحت بعتتلي طلب صداقة وانا قولتلها هنتكلم علي كده كتير بقي وضحكت لقيتها ضحكت تاني حسيت قلبي اتخطف من ضحكتها وقالت ايوه لو مفيش عندك مانع قولتلها لا عادي انا فاضي اصلا ورجعت البيت وانا هطير من الفرحة هو بجد اللي حصل هنتكلم كتير اول حاجة فكرت فيها اني ادخل وأشوف وجهها مرة تاني لاني حبيته اوي وكان حلو كان مدور وابيض عينيها ضيقة ولونها عسلي وانفها صغير شوية ولما دخلت افتكرت انها بنت واكيد مش هتحط صورتها علي الفيسبوك وقولت خلاص اتكلم معاها ولما بدأت الكلام قولتلها ازيك انتي كويسة قالتلي ايوه وانت ؟ قولتلها بخير الحمدلله وبعد كده فضلنا نتكلم كتير اعتقد سهرنا طول الليل بنتكلم مع بعض وبنتعرف علي بعض واخدت رقمها وقولتلها ايه رأيك نروح الجامعة مع بعض بكرة قالتلي ماشي افكر قولتلها تمام وتاني يوم قبل ما تمشي بعتتلي انت فين انا واقفة مش عايزة امشي تعال مش اتفقنا نمشي مع بعض قولتلها ايوه انا في الطريق هاجي بسرعة اهو ولما وصلت حسيت نفسي مش عايز أبعد عيني من عليها حسيت اني عايز افضل ابصلها كتير لاني اكيد حبيتها اللي انا فيه ده اكيد مش طبيعي اكيد ده الحب اللي بسمع عنه انا عمري ما حبيت قبل كده لاني قولت اكيد ربنا هيرزقني الخير واكيد هيعوضني خير لاني عمري ما فكرت اضايق بنت او اعاكس بنت لاني كنت بقول دي قلة زوق وقلة أدب كمان ومع اني مكنتش اعرف هحب ازاي بالطريقة بتاعتي دي بس حبيت المهم وصلنا الجامعة وانا حضرت المحاضرات بتاعتي بس من غير تركيز طول الوقت بفكر فيها وملامح وجهها الجميل اللي سيطر عليا وانا مش قادر افكر في أي حاجه تانية وبعدين قولت اقولها بحبك بس هي ممكن تكون مش بتتبادل معايا نفس الاحساس وانا مش عايز أحرج نفسي طيب اعمل ايه في الورطة دي مش عارف اقولها ولا اخلي مشاعري جوايا قررت اعترف ليها بعد شهر من كلامنا قولتلها انا بحب اتكلم معاكى كتير اوي وبحس انك لطيفة وجميلة قالتلي وانا كمان بحس انك كده وكمان بحب اسمع صوتك لانه جميل ورجولي شوية قولت لنفسي خلاص ده الوقت المناسب ولازم اعترف ليها دلوقتي قولتلها شيراز انا بحبك اوي اوي قالتلي وانا كمان بحبك قولتلها يااه بجد كنت مفكر انك هتضحكي عليا وتقولي انت اتجننت لقيتها قاطعتني في الكلام وقالت أنا حسيت بشعور غريب تجاهك لما دافعت عني حسيت انك هتكون شخص مناسب ليا قولتلها ده كان نفس احساسي وقتها وبعدين فضلنا نتكلم ولما بقينا مع بعض من 6 شهور قولت خلاص لازم تعرف اني في كلية الحقوق مش الهندسة هقولها خلاص لازم قولتلها يا شيراز عايز اعترف ليكي بحاجة بس ممكن تسمعيني للاخر قالتلي حاضر قولتلها هو لو في شخص كدب علي شخص تاني بس علشان بيحبه هل الكدب ده يعتبر وحش ؟ هي قالتلي علي حسب يعني قولت ازاي علي حسب انا مش فاهم قصدك؟ قالت يعني لو الكدبة دي هتأثر في حياتهم او ممكن تأذي الشخص التاني تبقي كدبة مش حلوة بس لو ملهاش اي فائدة عادي مش فارقة ايوه بقي ايه الحاجة اللي كنت عايزني اسمعها قولتلها هو انتي ممكن تسيبيني في يوم من الايام ؟ قالتلي لا طبعا انا اتعلقت بيك وانت شخص مهم جدا في حياتي دلوقتي طيب هو انت ممكن تسيبني قولتلها بدون تردد لا طبعا مستحيل بس كنت عايز اعترف ليكي بحاجة انا طالب في كليه الحقوق مش الهندسة لقيت صوتها اتغير وردت قالت انت بتقول ايه وحسيت بصدمة منها قالتلي انت بتهزر صح قولتلها لا دي الحقيقة بس مرديتش اقولك علشان حسيت انك هتسبيني وراحت بصت ليا ومشيت كتير بعدت وانا كنت عاجز عن الحركة ولقيتها عملت ليا حظر علي الفيسبوك والواتس وكل حاجه كانت بتجمعنا وكل لما احاول اكلمها القيها بعدت وفضلت تبعد عني كتير اوي اوي حسيت ان في مكان كبير ومساحة رهيبة اصبحت موجوده في علاقتنا حسيت انها بعدت وانا كنت مضايق من نفسي شوية وحاولت اتكلم معاها وهي كانت بترفض دايما حسيت ان دي النهاية انا كنت منهار ازاي بعد سنة من حبنا تبعدي كده ازاي انا مقولتش الحقيقة من البداية وازاي وازاي وازاي فضلت افكر واتكلم مع نفسي وانا ساكت طول الوقت وحاسس اني جرحتها جامد وانا غلطان بس برضو اي حد في مكان كان هيعمل كده انا كنت عايز اتكلم معاها شوية بس مكنتش اعرف اني هحبها اوي كده واشتريت خط جديد ورنيت عليها علشان اتكلم معاها ولما اتكلمنا لقيتها بتقول انا بحبك وفضلت تبكي انا كمان بكيت مقدرتش اسيطر على مشاعري وبعد كده قولتلها انا اسف انا بس كنت عايزك جنبي اكتر واكتر قالتلي انا كمان اسفة لاني بعدت وانا غبية ومش هعمل كده تاني وانا بعد كده قولتلها انا هاجي اخطبك ولما اخلص الكلية ولما اجهز نفسي نتجوز ورحت طلبت أيدها من ابوها ووافق ودي كانت أول واحلي والتجربة الوحيدة اللي مريت بيها في الحب ومش عايز اجرب تاني....يتبع

الفصل الثاني:

اضغط هنا

المؤلف محمد فرح

تصميم الغلاف غزلان اليتربي